En Drittel vo dr europäische Bevölkerig schtirbt a dr sit sechshundert Jahre erschte Epidemie, dr Pescht - lueg au Schwarze Tod. (Erschti und schlimmsti Welle: 1347–1351, dänn unregelmässig alli nüün bis zwölf Jahr mit Underbrechige, bis sie 1722 ganz us Europa verschwindet.)
Endi vo dr mongolische Yuan-Dynaschtie in China und Aafang vo dr Ming-Dynaschtie (1368)
S Abigländische Schisma vo dr Römisch-Katholische Chile fangt aa 1378 und füehrt zu ziitwiilig drei gliichziitige Päpst.
Durchsetzung vonere moderne Verwaltig in sich uusbildendi Landesfürschtentümer. Aschtell vo de Bsitzlischte vom 13. Jahrhundert träted jetzt zuenehmend Urbarbüecher, wo gnaui Bsitzbeschriibige mit Pächter und Zins enthalte händ.
Um 1320 haltet s Schüüsspulvergschütz Iizug i di europäischi Waffetechnik.
Zur Jahrhundertmitti exischtiered in Europa meeh als 4'000 Chlöschter. Am Orde vo de Benediktiner werded 1'500, de Franziskaner 1'450, de Zischterzienser 740 und de Prämonschtratenser 450 Baute zuegrechnet.
Schach hät sich in Mitteleuropa i de gsellschaftliche Chreise duregsetzt. De Rüdiger Manesse zeigt i dr Manessische Liederhandschrift Szene vom Schachspiel.
Persönlichkeite
Albrecht I., Düütsche König 1298-1308
Altichiero da Zevio, Maler 1330-1390
Bonifatius VIII., Papst 1294-1303
Heinrich V., Vogt vo Plauen †um 1364
Hervorst, Hugo vo, Generalvikar in Köln † 1399
Karl I., König vo Ungarn 1308-1342
Karl I., Herzog vo Lothringe 1390-1431
Karl II., König vo Ungarn 1385-1386
Karl II., König vo Navarra 1349-1387
Karl III., König vo Navarra 1387-1425
Karl IV., König vo Frankriich 1322-1328
Karl IV., Kaiser 1355-1378
Karl V., König vo Frankriich 1364-1380
Karl VI., König vo Frankriich 1380-1422
Leopold III., Herzog vo Öschterriich 1358-1386
Leopold IV., Herzog von Öschterriich 1386-1411
Longchen Rabjam, buddhistische Glehrter 1308-1363
Masolino da Panicale, Maler 1383-1447
Minden, Bertram vo, Maler ca. 1340-1414/15
Orcagna, Maler 1320-1368
Perugino, Maler 1362-1422
Rudolf I., Herzog vo Sachse 1298-1356
Erfindige und Entdeckige
Richtigs Mischverhältnis vom Schwarzpulver dur de Mönch Berthold Schwarz wird aageblich im Jahr 1313 entdeckt.
Im Lauf vom 14. Jahrhundert fangt mer demit aa, d Chräft vom Wasser und vom Wind aktiv z nutze.
Es anders Ziitgfühl haltet Iizug i d Dörfer, es isch mit der Erfindig und Iifüehrig vo de Turmuhre choo.
D Buure chömed es neuis Mittel über, zum ihri Felder ökonomischer abzernte, nämlich d Sense.
Mit dr Erfindig vom Spinnrad chömed d Familie e neui Verdienschtmöglichkeit über.
I dr Geldwirtschaft isch d Buechfüehrig wesentlich verfiineret worde. Kreditbrief und Wechsel chömed nöd zletscht im Hundertjährige Chrieg ihri Bedüütig über.