Article on other languages:

• 0er
• عقد_0
• Años_0
• 0-я
• Bloavezhioù_0
• 0te
• Dècada_del_0
• 0'erne
• 0s
• Años_0
• 0._aastad
• 0ko_hamarkada
• Ensimmäinen_vuosikymmen
• Années_0
• 0-ih
• 0-s_évek
• 0-an
• Anni_0
• 0_жж.
• Decennium_1
• 0-ти
• इ.स.चे_०_चे_दशक
• 0-an
• 1-9
• 0-årene
• Década_de_0
• Primul_deceniu_d.Hr.
• 0-е
• 0s
• 0._roky_1._storočia
• 0.
• 0-an
• 00-talet
• 0._yıllar
• 0-ві
• 0-lar
• 0年代

Säller Artikel behandelet chronologisch die Johre 1-9 ussem 1. Johrhundert vu dr christliche Zittrechnig

Johr 0

E Johr Null git's in cheinere Zittrechnig. Wenn ebber uf d'Welt chummt, no isch er oder si in sinem/ihrem erste Läbensjohr. Un gnau so zellt mer au, wemmer d'Johre nooch Christi Burt zellt, denn säll giltet au fer dr Jesus. E Johr isch nämlich e Zittruum, chei Zittpunkt, so wie au e Dag, e Wuche oder e Munät e Zittrum isch. Es git jo auch chei nullte Munät, nullti Wuche oder e nullte Dag. Nöijohr isch am 1.1., nit am 0.0. un au in dr Kalenderwuche 1, nit 0. Uf s'Johr 1 v.Chr. folgt dorum gli s'Johr 1 nooch Christus.

Des füehrt natürlich dezue, dass mer mit guet äso rechne cha. D'Astronomi rechnet dorum mit eme Johr null, wo si mit em Johr 1 v. Chr. glichsetzt. S'astronomisch Johr -1 isch dorum s'Johr 2 v.Chr un so witter.

Johr 1

S'Johr 1 (754 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

• 1. Jänner: Erster Dag - un demit Epoche vu dr christliche Ära, Afang vum 1. Johrhundert
• Dr Augustus setzt dr Ariobazanes II. als Chönig vu Armenie i.
• D'Römer baue de Aquädukt Aqua Alsienta.
• Dr Ovid schribt sini Metamorphose
• In Haifa/Israel wird de erst gross chünstlich Hafe im offene Meer baut

Lueg au: Johr Null un Dionysius Exiguus

Johr 2

S'Johr 2 (755 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

• In China findet die erst historisch yberliferet Volkszellig statt. Si ergit e Bevölcherigszahl vu 57 Millione. (Dr ageblich Census vum Augustus isch numme in dr Bible erwähnt un in cheinere römische Quelle belegt).

Bore

• Apollonios vu Tyana, Wanderprediger, Wunderhailer un Neupythagoräer († zwische 96 un 98)

Gstorbe

• Lucius Caesar, Adoptivsohn vum Augustus (* 17 v. Chr.)

Johr 3

S'Johr 3 (756 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

• Dr Markomannefürst Marbod verainigt Hermodure, Quade, Langobarde un Semnone in sinem Riich (Thüringe)
• Dr Lucius Aelius Lamia un dr Marcus Valerius Messalla Messallinus sin Konsul vu Rom

Bore

• 24. Dezember, Servius Sulpicius Galba, Römischer Kaiser

Johr 4

S'Johr 4 vu dr Christliche Ära isch im Römische Riich s'Johr 757 ab urbe condita gsi. Nooch em domols gültige Julianische Kalender hätt es eigetlich e Schaltjohr si müesse. Wil mer aber nooch em Dod vum Caesar d'Schaltregle falsch agwendet gha het (alli drei statt vier Johr) un des 9 v.Chr gmerkt het, het dr Augustus dr Schaltdag 749, 753 un 757 a.u.c. usfalle lo. Dorum isch 757 a.u.c. e Gmeinjohr mit 365 Däg gsi. D'Astronomi wendet aber - um d'Verwirrig komplett z'mache - dr korrekt julianisch Kalender au ruckwärts a, so dass s'Johr 4 in dr Astronomi e Schaltjohr mit 366 Däg isch.

Ereignisse

Politik un Weltgschähe

Römischs Riich

• 26. Juni: Dr Tiberius un dr Agrippa Postumus werre vum Augustus adopteert
• Dr Tiberius ybernimmt s'Oberkommando in Germanie un füehrt e Feldzug yber d'Weser
• Under de Konsul Sextus Aelius Catus un Gaius Sentius Saturninus wird d'Lex Aelia Sentia erlo, wo Sklavefrilossige reglementeert
• D'Brukturer un d'Cherusker underwerfe sich Rom

Ostasie

• Dr Namhae Chachaung, Chönig vu Silla (im hütige Korea), trättet si Regentschaft a

Vorderasie

• Dr Orodes III. us dr Dynasti vu dr Arkaside wird Herrscher vum Partherriich

Gstorbe

• 21. Februar: Gaius Caesar, äldister Suhn vum Marcus Vipsanius Agrippa un designierter Noochfolger vum Kaiser Augustus
• Bak Hyeokgeose, erster Chönig vu Silla
• Phraatakes, Herrscher vum Partherriich

Johr 5

S'Johr 5 (758 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

Römischs Riich

• Dr später Kaiser Tiberius schleet d'Langobarde an dr Elbmündig
• Dr Germanicus hirotet d'Agrippina die Älder

Bore

• Vermuetlich 5: Paulus vu Tarsus, Apostel († 64 oder 67)

Johr 6

S'Johr 6 (759 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

Römischs Riich

• Bau vum Concordia-Tempel in Rom, beendet anno 10
• Afang vum pannonische Ufstand, Niderschlagig dur Rom anno 9
• Moesia un Judäa werre römischi Provinze
• Dr Tiberius macht Carnuntum bim hüttige Wien zue sinere Usgangsbasis gege Maroboduus im pannonische Ufstand
• Gründig vu Wiesbaden als römischs Kastell
• Dr Quirinius füehrt lut em Josephus e Volkszellig in Judaea dur.

Ostasie

• Ru Zi Ying us d Han-Dynasti wird Kaiser vu China
• Kandidate fer politische Ämter in China müen ä Prüefig ablege.

Bore

• Nero Caesar, Suhn vum Germanicus un dr Agrippina de Äldere.

Gstorbe

• Kleopatra Selene, Dochter vu dr Kleopatra VII. un vum Marcus Antonius, Chönigi vu Mauretania
• Orodes III. vum Partherriich wird nit z'letscht wäge ere grusame Herrschaft ermordet.

Johr 7

S'Johr 7 (760 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

Römischs Riich

• Dr Varus wird Statthalter in Germanie
• D'Illyrer rebelliere gege d'Römer

Johr 8

S'Johr 8 (761 a.u.c) isch im julianische Kalender e Schaltjohr mit 366 Däg gsi.

Ereignisse

Politik un Weltgschähe

Römischs Riich

• Dr Ovid wird vum Augustus nooch Tomis (hüt Constanţa) am Schwarze Meer verbannt
• Judäa wird vume römische Landpfläger verwaltet
• Dr Augustus losst d'Ara Pacis ("Fridensaltar") in Rom errichte.
• Dr Tincomarus, abgsetzter Chönig vu de Atrebate, flieht us Britannie nooch Rom. Dr Eppillus wird Chönig

Vorderasie

• Dr Vonones I wird Chönig vum Partherriich.

Johr 9

S'Johr 9 (762 a.u.c) isch im julianische Kalender e Gmeinjohr mit 365 Däg gsi.

Ereignisse

Politik un Weltgschähe

Römischs Riich

• Varusschlacht im Teutoburger Wald. Rom git Nordgermanie uf un ziegt sich an dr Rhi zruck.
• Nooch dr Niderschlagig vum Ufstand werre Pannonie un Illyrie römischi Provinze.

Ostasie

• Wang Mang wird am 10. Jänner Kaiser vu China. Er etableert d'Xin-Dynasti, wo bis 25 regeert un d'Han-Dynasti underbricht.
• China verbitet dr Sklavehandel

Bore

• 17. November: Vespasian, römischer Kaiser († 79)

Gstorbe

Dr Varus mit einige andere Dausend Legionäre im Teutoburger Wald.